Президентпен тікелей желі - Президентке сұрақ қою

«Электрондық үкіметтің» веб-порталындағы «Тікелей желіде - Қазақстан Республикасының Президенті» байланысына қатысу туралы
КЕЛІСІМ

1. Келісім аясы

Бұл келісім «E.GOV.KZ» «электрондық үкімет» веб-порталын (бұдан әрі – Портал) Пайдаланушы мен Қазақстан Республикасының Ақпараттандыру және байланыс агенттігі тұлғасындағы оның иесі (бұдан әрі – Портал иесі) арасында «Тікелей желіде - Қазақстан Республикасының Президенті» байланысына қатысуға орай туындайтын қатынастарды реттейді.
Келісім Пайдаланушының келісім білдіріп, «Келісемін» деген түймені басып растаған сәтінен бастап күшіне енеді.

2. Келісімнің шарттары
Портал Пайдаланушының «Тікелей желіде - Қазақстан Республикасының Президенті» байланысына қатысу аясында берген сұрақтарын орналастыруға арналған.
Порталда мынадай ақпаратты орналастыруға жол берілмейді: 
- заңсыз, зиянды, қатер төндіретін, басқа адамдардың адамгершілігін, ар-намысын және қадір-қасиетін, құқықтары мен заңмен қорғалатын басқа да мүдделерін қорлайтын, жала жабатын, авторлық құқықтарын бұзатын, жек көрушілікті, қатыгездікті, зорлықты және/немесе адамдарды нәсілдік, этностық, жыныстық, әлеуметтік белгілеріне қарай кемсітуді насихаттайтын, діни, нәсілдік немесе ұлтаралық алауыздықты тудыратын, зорлық-зомбылық не болмаса жануарларды азаптап-қинау сценалары бар және т.б. материалдар;
- аз ұлттар құқықтарын шектейтін материалдар;
- Пайдаланушының заң бойынша немесе қандай да бір келісімшарттық қатынастарға орай жария етуге құқығы жоқ материалдар;
- үшінші тараптың қандай да бір патентіне, сауда маркасына, коммерциялық құпиясына, копирайты немесе өзге де меншік және/немесе авторлық және онымен сабақтас құқықтарына қатысты материалдар;
- арнайы түрде рұқсат етілмеген жарнамалық ақпарат, спам, «пирамидалар» схемалары, «бақыт хаттары»;
- кез келген компьютерлік немесе телекоммуникациялық құрал-жабдықтың немесе бағдарламалардың жұмыс істеуін бұзуға, жоюға не болмаса шектеуге, рұқсатсыз кіруге арналған компьютерлік кодтар, сондай-ақ коммерциялық бағдарламалардың топтама нөмірлері, Интернеттегі ақылы ресурстарға рұқсатсыз қол жеткізуге арналған логиндер, парольдер және басқа да құралдар бар материалдар;
- басқа пайдаланушылардың дербес мәліметтерін жинауға және сақтауға бағытталған материалдар;
- жарнамалық, коммерциялық немесе үгіт сипатындағы жазбаларды келіспей беру;
- алкоголь, темекі және есірткілік, сондай-ақ Қазақстан Республикасының заңнамасымен тыйым салынған басқа да заттардың жарнамасы;
- Қазақстан Республикасының мемлекеттік құпияларын құрайтын материалдар. 
Порталды қандай да бір қолданыстағы қазақстандық немесе халықаралық заңдарды қасақана бұзу мақсатында пайдалануға тыйым салынады.

3. Портал иесінің құқықтары мен міндеттері

Портал иесінің біржақты тәртіппен жекелеген жазбаларды алып тастау немесе жекелеген IP-мекенжайды немесе мекенжай тобын, олардың иелері немесе авторлары осы Келісімнің шарттарын орындамаған жағдайда, жауып тастауға құқығы болады.
Қазақстан Республикасының заңнамасында көзделгеннен басқа жағдайларда Портал иесі Пайдаланушылар туралы жеке ақпаратты таратпауға міндеттенеді.

Мен тұтынушылық келісімнің шарттарын қабылдаймын